የአቶ መለስ “ኮምፓስ” . . . የቡና ላይ ወግ . . . (ቶማስ ስብስቤ)

This gallery contains 4 photos.


መምሬ አሻግሬ ከሳምንታት በፊት ከማሚቴ የተረከቡትን የሐጂ ሲራጅ ጋቢ  ቋጭተው አልጨረሱም፡፡ በነገራችን ላይ ጋቢው ሲጠናቀቅ፣ የጋቢ ታሪክ ተመራማሪዎች የጋቢውን ህይወት ታሪክ እንዲህ ብለው ባንድ ዓረፍተነገር ሊቋጩ ይችላሉ፡፡ ጋቢውን ማሚቴ ፈተሉት፤ ወላ ሸመኑት፤ መምሬ ቋጩት፤ ሐጂ ለበሱት፡፡ አራት ነጥብ፡፡ ሐጂ ሲራጅ … Continue reading

ማአከለ ክምችት | Tagged , , , | 5 Comments

6 አመት የተፈረደባት ፖስት\Post\


በቶማስ ሰብሰቤ

ፌስቡክ/Facebook/ በ2016 ሰኔ ወር ባወጣው የአፍሪካ ሀገራት ተጠቃሚዎች ዝርዝር 5 ሚሊየን ኢትዮጵያዊያን ፌስቡክ ይጠቀማሉ።ከአልጄሪያ ፣ደቡብ አፍሪካ እና ግብፅ ቀጥላ ብዙ ኢትዮጵያ በርካታ አካውንት አላቸው።የፌስቡኩ ማህበረሰብ ከአዲስ አበባ የህዝብ ብዛት ጋር ተቀራራቢ የህዝብ ብዛት አላው። አምስት ሚሊየን ፌስቡክ/Facebook/ ተጠቃሚዎች ዘመኑ ይዞላቸው በመጣው ” መተንፈሻ ” የሚያቁትን እና የመሰላቸውን ይፃፃፋሉ ፣ ሃሳባቸውን በነፃ ያጋራሉ።

ይህ ሀሳብ በነፃነት የመግልፅ አጋጣሚ ደሞ ለሀሳብ ነፃነት የተለያዮ ህጎች ላወጣ መንግስት አይመችም።ለመቆጣጠር ፣ ለመከታታል እና እሱ የማይፈልገው ሀሳብ የለቀቀውን እና ያጋራውን በቀላሉ ለመልቀም ከባድ ነው።በኢንተርኔ አፈና እና በፌስ ቡክ ገፆች ላይ በሚፅፉት ሃሳቦች ብዙ ተከታይ ያገኙ ግለሰቦች ላይ ተፅዕኖ ማሳረፍ ፣ መክስስና ማሰር ቀሪውን ተጠቃሚ እንደ መቆጣጠር የተያዘ ስልት ባለፉት አመታት በሰፊው አይተናል።በዚህ አመት ኢህአዴግ የገባበት የፖለቲካ አለመረጋት ለማርገብ የመጀመሪያ ካደረገባቸው መፍትሄ አንዱ የፌስቡክ \Facebook\ አፈና እና የፌስቡክ ተጠቃሚውን ማስደንበር ፣ ጠንከር ያለ ትችት የሰነዘረ ጫና ፈጣሪ ግለሰብን ማስር አንዱ መንግድ ነው።

Internet-Marketing-Tips-On-How-to-Avoid-Facebook-Jail

አሸባሪውን የረሳ የፀረ ሽብር አዋጅ!

በእነዚህ ባነሳውት ርዕስ እንኳን ብቻ በኢንተርኔት ያለው 5 ሚሊየን ህዝብ እያሸበረ ያለው ማን ነው? ኢህአዴግ የፌስ ቡክ ተጠቃሚን በምን ስልት እያሸበረ ይገኛል? ስልቱ ምን ያህል እዋጭ ነው? እንዚህን ጥያቄ ለመመለስ መጀመሪያ የመንግስተ ሁለት መደበኛ ስልቶች በፌስቡክ ላይ እያደረገ ያለው ምንድ ናቸው የሚለው በዝርዝር እንመልክት።

የኢንተርኔት አፈና

የፌስቡክ ተጠቃሚዎች ብዙ ሰዓታቸውን በገፃቸው ላይ እንዳያሳልፉ ፣መረጃዎችን ወዲያው ወዲያው እንዳይለዋወጡ ፣ ወቅታው መረጃዎች አጀንዳ እንዳይሆ እና የጋራ መግባባት ላይ እንዳይደርሱ የኢንተርኔት አገልግሎቱን አብዛኛው ቀን መዝጋት ፣የተወሰነ ቀን በከፊል መልቀቅ ፣በክልል ከየሞች ጭራሹኑ ለወራት ማቋረጥ እና ብዙ የፌስቡክ ተጠቃሚዎች ያሉበት ከተማዎች ላይ ኢንተርኔት ቅቤ ለምኔ ማድረግ ነው።ይህም መኪና ስቶ ነዳጅ እንደ መከልከል ይቆጠራል።ይህው ስልትም ሰው ኢንተርኔት ተጠቃሚውን አሰልችቶ በደካማ አገልግሎት ከገፁ ማራቅ እና አዲስ ተጠቃሚም አካውንት ከፍቶ እንዳይመጣ እንዲከለክል የማድረግ ስልት ነው።በተለይ መንግስት ላይ ጥርሱን የነከሰ ከተማ እና ሃሳብን በነፃነት የማንሸራሸር ልምድ ባላቸው አካባቢዎች የኢንተርኔት አፈና ይበረታል።

ብዙ ተከታይ ያለቸው እና ተፅዕኖ ፈጣሪ ግልሰቦችን በሽብር መክስ

ይህ ሁለተኛው የኢንተርኔት አብዛኛው ተጠቃሚ ማህበረሰቡን ማስበርገጊያ ዘዴ ነው።ኢህአዴግ የፌስቡክ ተፅዕኖን ለመቆጣጠር የፌስቡክ ሞዴሎችን ላይ እርምጃ መውሰድ ተያይዞታል።”መሪው ከተመታ መንጋው ይደንብራል ወይም ይበተናል ” ብሎ የማመን ፖለቲካ ውጤት ነው።።በፌስቡክ በሚያነሱት ሀሳብ ብዙሃን ተከታይ ያለቸው ግለሰቦች በሚፅፉት ሀሳቦች ላይ መመሰረት በማድረግ የሃስት የሽብር ክስ ማቅረብ ፣ማሰር እና መቅጣት ተከታዮቹን ያስደነብርለታል ፤ አዲሱ ተጠቃሚም በፍርሃት ያሰረረዋል ብሎ እየሰሩ ነው።ዮናታን ታስፋዮን ስድስት አመት ሲቀጣው ልጁን ማሰር ሳይሆን ዋነኛ አላማው ሳይሆን የእሱን መሰሎች እና ተከታዮችን የመተጣውላቹ ደውል ነው።ይህም አምስት ሚሊየን ህዝብን ለማሸብር ፣ ለመቆጣጠር እና ለማስደንበር አይነተኛ ምሳሌ ነው።በዮናት ተስፋዮ እና የሌሎችን ክስ የሰማ የፌስቡክ ተጠቃሚ ምን እንደሚያስብ አስቡ።ፖስተ ማድረግ 6 አመት ከሆነ ሼር 4 ፣ ኮመንት 2 አመት ብሎ ነው የሚደንብረው።በትንሹ 5 ሚሊየን ህዝቦች በዚህ መልኩ ነው ሽብር የተፈፀመብት።ታዲያ እዚህ ጋር ነው እራሱ ኢህአዴግ ያወጣውመ የፀረ የሽብር ህግ አንቀፅ ሶስት የሚጥሰው።ይህ አንቀፅም ኢህአዴግን ሽብርተኛ ያደርገዋል።

download.jpg

” ማንኛውም ሰው ወይም ቡድን የፖለቲካ፣ የሃይማኖታዊ ወይም የአይዶሎጂ ዓላማን ለማራመድ በማሰብ በመንግሰት ላይ ተፅዕኖ ለማሳደር፣ ህብረተሰቡን ወይም የህብረተሰቡን ክፍል ለማስፈራት ወይም የሃገሪቱን መሰረታዊ ፖለቲካዊ፣ ህገመንግስተዊ፣ ኢኮኖሚያዊ ወይም ማህበራዊ ተቋማትን ለማናጋት ወይም ለማፍረስ፡-

አዚህ አንቀፅ ስር ያለውን …አይዲዮሎጂ ዓለማ ለማራመድ በማስብ ህብረተሰቡን ወይም የህብረተሰቡ ክፍል ለማስፈራራት ……የሞከረ የሽብር ድርጊት ነው ይላል።ከላይ እንደገለፅኩት በሁለቱ ዘዴዎች 5 ሚሊየን የፌስቡክ ተጠቃሚን ለማስፈራራት እና ተፅዕኖ ለማሳደር የራሳቸው አይዴዮሎጂ መሰል ስልት ይዘው አንድ የማህበረሰብ ክፍል ላይ ፍርሃት የዘራው ኢህአዴግን ማን ይክሰሰው? የፌስቡክ ተጠቃሚው ብዛት ኢትዮጵያ ውስጥ ካለው ከፍተኛ ማህበረሰብ አገልግሎት ውስጥ ቢቆጠር ቀዳሚው ቦታ ይይዛል።ታዲያ ይህ ማህበረሰብን ሀሳቡን በነፃነት እንዳያሸራሽር ፣የመሰለውን ፣ያየውን እና የሚሰማውን በነባራዊ እውነታዎች እንዳይገልፅ ተጠቃሚው አርአያ የሚላቸውን ሰው ማሰር ፣መክሰስ እና ማሰቃየት ሽብር አይደለም እንዴ? የዮናታን መታሰር የፖስት መታሰር አይደል እንዴ? ብዙ ተከታዮች ያላቸውን ግለሰቦች በሽብር መክስ እና ማሰር ቀሪው 5 ሚሊየን ህዝብ በፍርሃት ማሰር ፣ አዲስ ተጠቃሚ እንዳይመጣ የሚያደርግ ሽብር አይደለም እንዴ? ማንኛውም ሰው ቦብም የማያዝበት አንደኛው ምክንያት ውጤቱን ሰለሚያውቅ ነው።ለዚህም ቦምብ የዋለበት ጦረኛ እንጂ ንፁሃን የለም።ቦምብ እና ጦርነት የአንድ ሳንቲም ግልባጭ ናቸው።ዛሬም ፌስቡክ እና ሽብርተኝነት ቤተሰብ ያደረገው ኢህአዴግ ሰው ፌስቡኩን እንደ ቦንብ እንዲፈራው አድርጎታል።ታዲያ አንቀፅ ሶስት የጣሳው ማን ነው? ከጋዜጠኛው እና ከጦማሪው በላይ 5 ሚሊየን ህዝቦችን እያሸበረ ያለውን መንግስት እራሱ ባወጣው ህግ መሰረት አሸባሪው እሱ ያደርገዋል።

ፌስቡክን ከሽብር ጋር በተደጋጋሚነት ማያያዝ እና በፖስት 6 አመት ማሰር የሰው ልጅ የሚያገናዝ እንስሳ ከሚለው ጋር ይጋጫል።ሀሳቡን በነፃነት መግልፅ አለበት የሚለው ገደል እና እስር ቤት የሚከት ነው።Man is a rational animal! የሰው ልጅ የሚያገናዝብ እንስሳ ነው፡፡ የሚያግናዛበው በአካባቢው ከሚያገኛቸው እውነታዎች አንፃር ነው፡፡ ስለዚህ የሰው ልጅ ስለፈለገው ነገር ማወቅ ይፈልጋል፡፡ ከፈለው መረጃ ላይ፡፡ ያገኘውን መረጃ አገናዝቦ የፈለገው አቋም የመያዝ መብትም አለው፡፡ መንግሥትን ጨምሮ ማንም ሰው ይህንን ዕወቅ ይህንን አትወቅ እንዲለው አይፈልግም፡፡ የማወቅ፣ የማገናዘብ፣ አቋም የመያዝ ብቻ አይደለም አቋሙን ለፈለገው ሰው ያለምንም ፍርሐት የማሳወቅ መብት አለው፡፡ ምክንያቱም ሰው ነውና፡፡

ኢህአዴግ ሆይ የዮናታን እና መሰሎቹ እጅ ለማያዝ ብትችልም ሚሊየን እጆችን ይዘህ አዘልቀውም! ቢያንስ ቢያንስ አንተህ ላወጣውህ ህጎች እራስህን ተገዛ።የመናገር ነፃነት እስከ መጮህ እና ማልቀስ ድረስ ነውና ታቀብ ወይስ የአሰተሳሰብ ነፃነት ከሚለው አንቀፅ 29 ስር “ይህ አንቀፅ ለኢትዮጵያን ሳይሆን ለጉረቤት ሀገር ነው ” ብለህ ፃፍበት።

Posted in Tomas Sebsibe | አስተያየት ያስቀምጡ

ዘረኛ ያልሆነው ወዴት እንሂድ?


በቶማስ ሰብስቤ

የኢትዮጵያ ወቅታዊ ፖለቲካ ስለ ዘረኝነት ሰምቶ እና አይቶ የማያውቅ ሚሊየን ህዝቦችን በግድ ወደ ዘረኝነት መደብ ሊከት የሚሞክር እና ዘረኛ ያልሆኑ ህዝቦችን እያገለለ ያለ ነው።ገዢው መደብ የዘር ፖለቲካን የስልጣኜ ክር እና ልዮነት የአንድነታችን መሰሶ ነው ብሎ ሀገሩን በዘረኛ ግለስቦች እያስተዳደረው ነው ፤ የተቃዋሚው ሰፈር በዘረኝነት ተቦዳድኖ ገዥውን እየተቸ እና እርስ በእርሱ ተሳስረዋል።በአገር ውስጥ እና በውጪ የሚኖር ኢትዮጵያዊ ደሞ የእነዚህ አነስተኛ ድርጅቶች እና ግለሰቦች አመለካከት እየተጫነበት ነው።

ባለፉት 26 አመታት የቆየው በዘር ፣በቋንቋ እና በማንነት መሰረት ያደረገው የፌደራሊዝም ስርዓት በሀገሪቱ ታይቶ የማይታወቅ ድልብ ዘረኞችን አሳይቶናል።የ26 አመታት ፍሬ ደግሞ ተማሪው ጎጠኛ ፣ገበሬው በመሬቴ ላይ ሌላ መጣ ብሎ እንዲነሳ አድርጎታል።በአነስተኛዋ ቀበሌ እንኳን በአካባቢው ታዋቂ ዘረኛ ወደ ሊቀ መንበርነት ይመጣል ።ከታችኛው እስከ ላይኛው የመንግሰት መዋቅር ዘሬን ፣ቋንቋዮን ለሚለው እንጂ ሌላውን ያገለለ ነው።ማህበራዊ ፣ፖለቲካዊ እና ኢኮኖሚያዊ ዘርፉን የተቆጣጠሩን የዘረኛው ወይም የአካባቢ ፍቅር ያለባቸው ግለሰቦች ስለሆኑ ከዘረኝነት ነፃ የሆኑ ሰዎች ረስተዋቸዋል።የፖለቲካ ስርዓቱም ለመሳተፍ ወይም ለመደገፍ ቢፈልጉ እንኳን ይህ ከዘረኝነት ውጪ እና ከፖለቲካ ውጪ የሆነው ህዝብን የሚመጥን እና የሚወክል ስርዓት ማግኘት አይችሉም።

በተቃዋሚው ሰፈርም ልክ እንደ ህውሃት ኢህአዴግ የዘር ፍቅር ላይ የወደቁ ናቸው።በሰፈር ፣በጎጥ ፣በሀይማኖት ፣በቋንቋ የሚጨፋጨፍ ርካሽ ዘረኝነት የሚነዛ ይበዛል።አብዛኛው ተቃዋሚ በህዝቦች መካከል እርስ በእርስ ጥላቻ ፣መቃቃር ፣ ልዮነት እንዲፈጠር የራሱን የውሸት ታሪክ ይፅፋል ፣ ታሪክ አዛብቶ ይወክለኛል ላለው ህዝብ ይተፋዋል።ጥላቻን በመፍጠር ሀገር መናድ ከዛን የራሱን አላማ ማሳካት የፖለቲካ ማኒፌስቶው አድርገውታል።በውጪ የሚኖረውም ኢትዮጵያዊ በዚህ መደብ እንዲገባ ጫና ይፈጥራል።ኢትዮጵያዊ የሆነ የቆሸሸ ዘረኛ ለማየት ከፈለጉ እዚህ መምጣት ነው!

በኢህአዴግም ሆነ መሰል ተቃዋሚዎች ዘረኝነት  ፣ህዝቦችን ማስገደድ እና ሌላውን ያለመሰማት የጋራ ባህሪያቸው ነው።ኢህአዴግ ልዮነት በዘር ፣በቋንቋ ፣ በማንነት ለያይቶ ልዮነት ውሃ እያጠጣው ያሳድገዋል።እነዚህ ዘረኛዋች ደሞ በውሃ ያደገውን ዘረኛ ትውልድ ይጠቀሙበታል።ስለዚህ ኢህአዴግ የዘረኛ ” እናት” ፣ ዘረኛው ኢህአዴግ መሰል ዲያስፖራ “የዘረኛ አሳደጊ” ሆኖ ተያይዘው ይሰራሉ።በኢትዮጵያ 2007 እና 2008 የነበረውን የተማሪዎች አመፅ የውጪ የዘረኝነት የፖለቲካ ማኒፌስቶ ቢያቀጣጥለውም ታዳጊዎቹ የዘረኝነት ልሂቃን የሆኑት ግን ልዮነትን በሚያቀነቅነው ትምህርት ቤት ሰርዓት ነው።ኦሮሚያ ለኦሮሚያ ፣አማራ ለአማራ ፣ጋምቤላ ለጋንቤላ ስትል ያኔ ነው  በአካባቢ ማሰብ  የተወለደው ፣ስለ ራስ መጨነቅ እና ሌላን ያለማክበር።ያኔ ነው አንድነት አፈር የበላው ፤ ርካሹ ዘረኝነት ቦታ ያገኘው።

አሜሪካኖች በሪፐብሊካን እና ዲሞክራት መደብ ቢሰለፉም ካፕታሊዝምነታቸው ዘረኝነት አያበረታትም ፣ ፌደራሊዝምነታቸው አንድነት እያለመለመ ልዮነት የሚያጠብ ነው።በሀገር ጉዳይ አንድ ናቸው።በእኛ ሀገር ፌደራሊዝም ኢትዮጵያ ሳትሆን ክልሎች አቅም አላቸው።ልዮነት ገቢና ፤ አንድነት የመጨረሻ ወንበር ተቀምጠዋል።ተቃዋሚው እና ተመራጩ የዘሬን ያንዘርዝረኝ እያሉ ነው።በዚህ ሁሉ ግን አብዛኛው ዘረኛ ያልሆነው ኢትዮጵያዊ ይህ አስተሳሰብ እና አስተዳደር እለት በእለት እየጎዳው ነው ፤ ሰሚ ያጣ ህዝብ ሚሊየኖች ናቸው።ስለ

 

Posted in ጉዳዮች - Affairs, Tomas Sebsibe | አስተያየት ያስቀምጡ

ትጥቅ ትግል ለእኔ ያለፈበት ነው…እናስ ምን ተሻለን?


በቶማስ ሰብስቤ

gangs-guns.jpg
ዓለም በካፒታሊዝምና ኮሚዩኒዝም ርዕዮተ ዓለም ጎራ ተከፍላ ስትናጥበት የነበረው ዘመን የኮሚንይዝሙ ጎራ ተዳክሞ ከተፈረካከሰ በኋላ ዓለም በብቸኝነት በምዕራቡ የካፒታሊዝም ተፅዕኖ ስር ወድቃለች፡፡ የሁለቱ ጎራዎች ፉክክር በተመጣጣኝ ደረጃ በነበረት ወቅት በአንድ ጎራ የተቀመጠን ስርዓት ማውረድ የፈለጉ አካላት ከተቃራኒው ጎራ በሚያገኙት ድጋፍ መንግስታትን በትጥቅ ትግል ሲለዋውጡ አይተናል፡፡

ነገር ግን የኮሚንይዝሙ ጎራ ተዳክሞ ከተፈረካከሰ በኋላና ዓለም በምዕራቡ ዓለም የአስተሳሰብ ዕዝ ስር ከወደቀ በኋላ በስልጣን ላይ የተቀመጡ አምባገነኖችን በትጥቅ ለማውረድ የሚሞክሩ ለውጥ ፈላጊዎች በበቂ ሁኔታ ድጋፍ የሚሰጣቸው ኃይል ባለመኖሩ በዚህ ስልት አምባገነኖችን ለመቀየር እየከበደ እንደመጣ የኮምኒይዝሙ ዓለም ከፈረሰበት ካለፉት 28 ዓመታት ወዲህ በጠመንጃ የተቀየረ አምባገነን ስርዓት ዓለሞኖሩ ግልፅ ማሳያ ነው፡፡

እዚህ ላይ የኮንጎንና የሊቢያ አምባገነኖች ከኮምኒዝም ጎራ መፈረካከስ በኋላ በጠመንጃ ኃይል የተገረሰሱ አምባገነኖች በመሆናቸው እንደመከራከሪያ ሊቀርቡ ይችሉ ይሆናል፡፡ ነገር ግን በሁለቱ ሐገራት ላይ በትጥቅ ትግል ለውጥ የመጣበትን መንገድ በጥንቃቄ ማየት ያስፈልጋል፡፡ ኮንጎ ያላትን እምቅ የተፈጥሮ ሃብት መዝረፍ የፈለጉ ኃይሎች ያለ ኃፍረት የካቢላን ኃይሎች በቀጥታ በማስታጠቅና በመርዳት ስድስት ወር ባልሞለ ጊዜ ውስጥ ወትሮም ደካማና በሙስና የላሸቀውን የዛየር መንግስት ማውረዳቸው ከጀርባው የሚፈልጉትን ቡድን ወደስልጣን በማውጣት እሱን ተጠግተው የተፈጥሮ ሐብቷን ለመዝረፍ የፈለጉ ሰፍሳፋ የውጭ ኃይሎች የነበራቸውን ሚና በተለዬ ሁኔታ ማየት ይኖርብናል፡፡

የሊቢያውን አምባገነን ኮሌኔል ሞአመር ጋዳፊን ለማውረድ ምዕራባውያን በቀጥታ በዓየርና በምድር ጥቃት በማድረስ የሊቢያ ለውጥ ፈላጊዎች ጋዳፊን ለማውረድ ካደረጉት እንቅስቃሴ ጀርባ ምዕራባውያን የነበራቸው ጣልቃ ገብነት እጅግ ያፈጠጠ ስለነበረ በትጥቅ ትግል ለውጥ መጥቶበታል ለሚባል መከራከሪያ ማሳያ ሆኖ ሊቀርብ አይችልም፡፡

በዚህም መሰረት በኮንጎና በሊቢያ በትጥቅ የተደረጉ ለውጦች ምን ያህል በውጭ ኃይሎች ፍላጎት የተመሩ እንደነበሩ በማሰብ ባሁኑ ዘመን በትጥቅ ትግል ከሚደረጉ ትግሎች ጋር በተለዬ ሁኔታ መታየት አለባቸው እላለሁ፡፡ ከዚህ በተቃራኒ በቅርብ ጊዜ የትጥቅ ትግል የጀመሩት ይቅርና ዓለም በሁለት ጎራ በተከፈለችበት ወቅት ጀምረው የትጥቅ ትግል ሲያደርጉ የነቡሩት ለአብነት ያህል የኮሎምቢያው ፋርክ፤ የኩርዶቹ ፒኬኬ፣ የስፔኑ ኤታ፤ የዩጋንዳው ሎርድ ሬስታንስ እና ሌሎችም የትጥቅ ትግል አራማጆች እየተዳከሙ እንደመጡና አሁን ለውጥን በድርድና በሰላማዊ መንገድ ለማምጣት ጥረት ላይ እንዳሉ ስናይ አሁን ባለንበት ዘመን በትጥቅ ትግል ለውጥ ለማምጣት እየከበደ መምጣቱን የሚያሳዩ ናቸው፡፡

በኢትዮጵያም በትጥቅ ትግል ለውጥ እናመጣለን የሚሉ ኃይሎች ዓለም ያለችበት ተጨባጭ ሁኔታ ሰለባ በመሆናቸው እስካሁን ተጨባጭ ለውጦችን ማምጣት አልቻሉም፡፡ ወደፊም ቢሆን ለምዕራባውያንም ሆነ ለኢትዮጵያ ጎረቤት አገሮች ጥቅም መከበር ተቃዋሚዎች ከገዥው ቡድን የበለጠ ምቹ ሆነው ስለማይገኙ ድጋፍና እርዳታ አግኝተው ገዥውን ቡድን በትጥቅ ትግል የማውረዳቸው እድል እጅግ የመነመነ ይመስለኛል፡፡

ታዲያሳ……መንግስት ስርዓት እንደ ሰው ይወለዳል ፣ያድጋል ፣ይሞታል… …እሱም አድጓል ፣አርጅቷል ፣ይሞታል… ሁላጭንም ድምፃችን እናሰማ ከዛን ለውጥ ይመጣል…አንባገንን ያፍራል ይወርዳል።

Posted in Tomas Sebsibe | አስተያየት ያስቀምጡ